संखुवासभा । संखुवासभाको चैनपुर नगरपालिका–३, मगर गाउँमा प्रहरीमाथि अभद्र व्यवहार गरेको आरोपमा चार जनालाई प्रहरीले नियन्त्रणमा लिएको छ।
पक्राउ परेकामध्ये चन्द्रबहादुर आले मगर, पूर्णबहादुर आले मगर, तेजबहादुर आले मगर र दाछिरी शेर्पा रहेका छन्।
प्रहरीका अनुसार बिहीबार राति सो क्षेत्रका केही व्यक्ति मादक पदार्थ सेवन गरी सार्वजनिक स्थलमा होहल्ला गरिरहेको सूचनाका आधारमा प्रहरी चौकी सिद्धपोखरीबाट प्रहरी सहायक निरीक्षक भीमबहादुर बरालको नेतृत्वमा टोली खटिएको थियो।
प्रहरी टोलीले ती व्यक्तिहरूलाई सम्झाउने प्रयास गर्दा उनीहरूले उल्टै प्रहरीमाथि अभद्र व्यवहार र असहयोग गरेको बताइएको छ। त्यसपछि टोलीले उनीहरूलाई नियन्त्रणमा लिएर थप अनुसन्धानका लागि इलाका प्रहरी कार्यालय चैनपुरमा पठाएको जिल्ला प्रहरी कार्यालय संखुवासभाले जनाएको छ।
प्रतिक्रिया
सम्बन्धित खवर
