म्याग्दी — अन्नपूर्ण गाउँपालिका-६ पोखरेबगरस्थित १४ मेगावाट क्षमताको घारखोला जलविद्युत् आयोजनामा आज बिहान सुक्खा पहिरो जाँदा एक जना कामदार बेपत्ता भएका छन् भने अर्का एक जना घाइते भएका छन्।
विद्युत्गृहमाथिबाट खसेको ढुङ्गासहितको पहिरोमा पुरिएर अन्नपूर्ण-६ का ५५ वर्षीय दीपक बरुवाल बेपत्ता भएका हुन्। दुर्घटनामा कैलालीको गौरीगङ्गा नगरपालिका-५ का ३१ वर्षीय सुरेन्द्र विक घाइते भएको जिल्ला प्रहरी कार्यालयले जनाएको छ।
उद्धार तथा खोजी कार्य जारी
घटनालगत्तै खटिएको नेपाली सेना, नेपाल प्रहरी, सशस्त्र प्रहरी, स्थानीय जनप्रतिनिधि र सर्वसाधारणको संयुक्त टोलीले बेपत्ता बरुवालको तीव्र खोजी गरिरहेको छ। पहिरोबाट घाइते अवस्थामा उद्धार गरिएका विकलाई प्राथमिक उपचारपछि थप उपचारका लागि प्रदेश अस्पताल बेनी पठाइएको प्रहरी निरीक्षक सागर तिमिल्सिनाले जानकारी दिए।
उत्पादन पूर्ण रूपमा ठप्प
म्याग्दी हाइड्रोपावरद्वारा प्रवर्द्धित यस आयोजनाको विद्युत्गृहमा पहिरोले ठूलो क्षति पुर्याएको छ। भवनभित्र रहेका उपकरणहरू पुरिएपछि बिजुली उत्पादन पूर्ण रूपमा बन्द भएको छ।
प्रतिक्रिया
सम्बन्धित खवर
