काठमाडौं ! नेपाल प्रहरीमा एसपी र डिएसपीको सरुवा तयारी हुँदै गर्दा सरुवा सम्बन्धि मापदण्ड पनि संशोधन गर्नलागिएको छ ।

प्रहरी प्रधान कार्यालयले ‘प्रहरी कर्मचारीको सरुवा सम्बन्धि मापदण्ड २०७९’ लाई संशोधन गर्न लागेको हो ।

संशोधनमा ‘क, ख र ग’ सूचीमा राखिएका केही कार्यालयहरु हेरफेर गर्न लागिएको हो । हाल राखिएका कतिपयकार्यालयको वर्गीकरण उचित नभएको सुझावका आधारमा संशोधन गर्न लागिएको प्रहरी प्रधान कार्यालय स्रोतबताउँछ ।

सानो जनसंख्या भएको ठाउँलाई ‘क’ तथा ठूलो ठाउँलाई ख मा राखिएको छ । उदारणका लागि धरानलाई ‘ख’ तथाइटहरीलाई ‘क’ मा राखिएको छ ।

त्यस्तै, अर्घाखाँचीलाई ‘ख’ तथा प्यूठानलाई ‘क’ वर्गमा राखिएको छ । यस्ता केही कार्यालयहरुको वर्ग हेरफेर गर्नलागिएको छ ।

प्रहरीमा ठूलो संख्यामा एसपी र डिएसपीको सरुवा तयारी भइरहेको छ । गत वर्ष भदौमा इन्चार्जमा गएकाहरुको अवधिपुग्न लागेकाले नयाँ पठाउने तयारी छ ।

एसपीहरुमा कास्कीका मोहन थापा, भक्तपुरका वेद विष्ट, पूर्वी नवलपरासीका नरहरी रेग्मी, सुनसरीका विपिन रेग्मी, कपिलवस्तुका नवरत्न पौडेल, दाङका रामबहादुर केसी लगायतको अवधि पुग्न लागेको छ ।

त्यस्तै, डिएसपीतर्फ उपत्यकाका ६ वृत्तका डिएसपीको अवधि पुग्न लागेको छ ।

दरबारमार्गका गोविन्द थापा, गौशालाका केशव थेवे, बौद्धका राजु पाण्डे, बानेश्वरका शिवराज बुढाथोकी, स्वयम्भूकी पूर्णिमा चन्द, जगातीकी दिप्ती कार्की लगायतको सरुवा तयारी भइरहेको छ ।

जिल्लातर्फ संखुवासभा, खोटाङ, पर्वन, प्यूठान, कालिकोट, बझाङ लगायतका जिल्लाको अवधि पुग्न लागेको छ ।

कतिपय जिल्ला इन्चार्जहरुको ६ महिना मात्र भएकाले उनीहरुमध्ये केहीलाई कार्यसम्पादन राम्रो नभएको भनेर हटाउनेतयारी पनि भइरहेको गृह मन्त्रालय स्रोत बताउँछ ।