काठमाडौं । भारतीय सेनाका प्रमुख जनरल धीरज सेठ पाँचदिने औपचारिक भ्रमणका लागि साउन ३१ गते नेपाल आउने भएका छन्।
नेपाली सेनाका प्रधानसेनापति अशोकराज सिग्देलको निमन्त्रणामा हुन लागेको भ्रमणका क्रममा जनरल सेठले विभिन्न औपचारिक कार्यक्रममा सहभागिता जनाउनेछन्।
गत असार १५ गते भारतीय सेनाको ३१औँ प्रमुखका रूपमा नियुक्त भएका जनरल सेठलाई नेपाल भ्रमणका क्रममा नेपाली सेनाको मानार्थ महारथी (जनरल) को दर्ज्यानी चिह्न प्रदान गरिने कार्यक्रम रहेको छ।
नेपाल र भारतबीचको दीर्घकालीन सैनिक सम्बन्ध तथा आपसी सहयोगलाई थप सुदृढ बनाउने उद्देश्यले दुवै देशले एकअर्काका सेनाप्रमुखलाई मानार्थ सेनापति (जनरल) को दर्ज्यानी चिह्न प्रदान गर्ने परम्परा रहँदै आएको छ।
प्रतिक्रिया
सम्बन्धित खवर
