काठमाडौं । प्रधानमन्त्री वालेन्द्र शाहले मंगलबार (जेठ २६) पाँचौँ पटक मन्त्रिपरिषद् पुनर्गठन गरेका छन्। पुनर्गठनअन्तर्गत सुधन गुरुङलाई गृहमन्त्री तथा महावीर पुनलाई विज्ञान, प्रविधि तथा नवप्रवर्तनमन्त्री नियुक्त गरिएको छ।

नवनियुक्त मन्त्रीद्वय गुरुङ र पुनले राष्ट्रपति रामचन्द्र पौडेलसमक्ष पद तथा गोपनीयताको शपथ ग्रहण गरिसकेका छन्।

२०८२ चैत १३ गते प्रधानमन्त्रीको जिम्मेवारी सम्हालेका शाहले त्यसयता क्रमशः २०८२ चैत २४, चैत २७, २०८३ वैशाख ९, वैशाख ३१ र जेठ २६ गते गरी पाँच पटक मन्त्रिपरिषद् पुनर्गठन गरिसकेका छन्।

१७ सदस्यीय पुनर्गठित मन्त्रिपरिषद्

1. वालेन्द्र शाह – प्रधानमन्त्री तथा रक्षामन्त्री
2. डा. स्वर्णिम वाग्ले – अर्थमन्त्री
3. शिशिर खनाल – परराष्ट्रमन्त्री
4. बिराज भक्त श्रेष्ठ – ऊर्जा, जलस्रोत तथा सिँचाइमन्त्री
5. सुधन गुरुङ – गृहमन्त्री
6. सुनिल लम्साल – पूर्वाधार विकासमन्त्री
7. सोविता गौतम – कानून, न्याय तथा संसदीय मामिलामन्त्री
8. महावीर पुन – विज्ञान, प्रविधि तथा नवप्रवर्तनमन्त्री
9. सीता बादी – महिला, बालबालिका, लैङ्गिक तथा यौनिक अल्पसङ्ख्यक तथा सामाजिक सुरक्षामन्त्री
10. प्रतिभा रावल – भूमि व्यवस्था, सहकारी, सङ्घीय मामिला तथा सामान्य प्रशासनमन्त्री
11. निशा मेहता – स्वास्थ्य तथा खाद्य सुरक्षामन्त्री
12. सस्मित पोखरेल – शिक्षा तथा खेलकुदमन्त्री
13. खडक राज पौडेल – संस्कृति, पर्यटन तथा नागरिक उड्डयनमन्त्री
14. डा. विक्रम तिमिल्सिना – सूचना तथा सञ्चारमन्त्री
15. गीता चौधरी – कृषि, वन तथा वातावरणमन्त्री
16. गौरी कुमारी – उद्योग, वाणिज्य तथा आपूर्तिमन्त्री
17. रामजी यादव – युवा, श्रम तथा रोजगारमन्त्री

प्रधानमन्त्री शाहले सरकारको कार्यसम्पादनलाई थप प्रभावकारी, उत्तरदायी र परिणाममुखी बनाउने उद्देश्यले मन्त्रिपरिषद् पुनर्गठन गरिएको जनाइएको छ।