काठमाण्डौं— कार्यालयको सम्पर्कमा नरहेका नेपाल प्रहरीका १० जनालाई सात दिनभित्र कार्यालयमा हाजिर हुन प्रहरी प्रधान कार्यालयले निर्देशन दिएको छ। प्रहरी महानिरीक्षकको सचिवालयले सार्वजनिक सूचना जारी गरी गैरहाजिर भएका प्रहरीहरूको नाम र ठेगाना समेत सार्वजनिक गरेको छ। तिनीहरूलाई सात दिनभित्र गैरहाजिर हुनुको कारणसहित हाजिर हुन निर्देशन दिइएको छ; अन्यथा कानुन अनुसार कारबाही प्रक्रिया अघि बढाइने व्यवस्था गरिएको छ।

गैरहाजिर हुनेहरूमध्ये प्रहरी सहायक हबल्दार कृष्ण कार्की (बागलुङका, बागलुङ नगरपालिका ८ घर भएका) गण्डकी प्रदेश प्रहरी कार्यालय, पोखराबाट २०८१ पुस २९ गतेदेखि हाजिर भएका छैनन्। यसैगरी प्रहरी जवानहरू मोरङका रन्जित श्रेष्ठ, पाँचथरका विनम ज्ञाङमी, रामेछापकी अस्मी तामाङ, दाङ घोराहीका प्रज्वल घर्ती र प्युठानका रेशम पुन समेत सूचीमा रहेका छन्। थप रूपमा, बागलुङका खिमबहादुर केसी, शम्शेर घर्तीमगर, कृष्ण विक तथा बर्दियाका प्रहरी कार्यालय सहयोगी जनकबहादुर गाईन पनि कार्यालयको सम्पर्कमा नभएका जानकारीमा समावेश गरिएको छ।