७ भदौ, काठमाडौं । राष्ट्रिय स्वतन्त्र पार्टी (रास्वपा)ले सञ्चालन गर्दै आएको ‘नागरिक, नीति र नेतृत्व’ कार्यक्रममा गृहमन्त्री सुधन गुरुङ सहभागी हुने भएका छन्।
रास्वपाका अनुसार सोमबार साँझ केन्द्रीय कार्यालयमा आयोजना हुने कार्यक्रममा गृहमन्त्री गुरुङले आम नागरिकसँग प्रत्यक्ष संवाद गर्नेछन्। कार्यक्रममा नागरिकले आफ्ना समस्या, गुनासा, सुझाव तथा अपेक्षा मन्त्रीसमक्ष राख्न सक्नेछन्।
कार्यक्रमको दोस्रो चरणमा भने मन्त्री, सांसद तथा पार्टीको केन्द्रीय नेतृत्वबीच नागरिकबाट प्राप्त सुझाव र समसामयिक तथा नीतिगत विषयमा छलफल गरिनेछ।
नागरिकका आवाजलाई नीति निर्माण तथा त्यसको प्रभावकारी कार्यान्वयनसँग जोड्ने उद्देश्यले कार्यक्रम सञ्चालन गरिएको रास्वपाले जनाएको छ। पार्टीका अनुसार नागरिकसँग प्रत्यक्ष संवादमार्फत प्राप्त सुझावलाई सरकार र पार्टीका आगामी नीति तथा कार्ययोजनामा समेट्ने प्रयास गरिनेछ।
प्रतिक्रिया
सम्बन्धित खवर
