काठमाडौँ । काठमाडौँको गौशाला क्षेत्रबाट प्रहरीले पेस्तोलसहित दुई जनालाई पक्राउ गरेको छ। पक्राउ पर्नेमा महोत्तरी जिल्ला निवासी सुरेशकुमार राम र दिनेशकुमार राम रहेका छन्।
जिल्ला प्रहरी परिसर काठमाडौँका एसपी अपिल बोहराका अनुसार उनीहरू दाजुभाइ हुन् र उनीहरूको साथबाट एकथान पेस्तोल, दुई थान म्यागजिन र एकथान वाकिटकी बरामद गरिएको छ।
उनीहरूलाई नियन्त्रणमा लिएर थप अनुसन्धान अघि बढाइएको पनि एसपी बोहराले जानकारी दिएका छन्। घटनाबारे विस्तृत विवरण सार्वजनिक गर्ने तयारी भइरहेको प्रहरी स्रोतले जनाएको छ।
प्रतिक्रिया
सम्बन्धित खवर
