सुर्खेत — जिल्ला प्रहरी कार्यालय सुर्खेतको हिरासतमा एक जना थुनुवाको मृत्यु भएको छ। लागुऔषध कारोबार मुद्दामा थुनामा रहेका वीरेन्द्रनगर–११, पिपिराका ३५ वर्षीय गंगे सुनारको शुक्रबार बिहान मृत्यु भएको प्रहरीले जनाएको छ।
प्रहरीका अनुसार बिहान ५ः५८ बजे ओछ्यानमै बेहोस अवस्थामा फेला परेका सुनारलाई उपचारका लागि कर्णाली प्रदेश अस्पताल पुर्याउँदा चिकित्सकले मृत घोषणा गरेका थिए।
मृत्युपछि हिरासतको सीसीटीभी फुटेज हेरिएकोमा कुनै असामान्य गतिविधि नदेखिएको प्रहरीले जनाएको छ।
डीएसपी मोहनजंग बुढथापाका अनुसार सुनार ७८ दिनदेखि हिरासतमा रहेका थिए र शुक्रबार नै उनको मुद्दाको पेसी तय भएको थियो।
प्रतिक्रिया
सम्बन्धित खवर
