काठमाडौं — बिहीबार नेपाल प्रहरीका चार एआईजी पदस्थापित भएका छन्। १२ दिनअघि बढुवा सिफारिस भइसकेका सुशीलसिंह राठौर, उमाप्रसाद चतुर्वेदी, हिमालय श्रेष्ठ र डम्बरबहादुर विक आज पदस्थापनमा आएका हुन्।
पदस्थापन अनुसार राठौरलाई अपराध अनुसन्धान विभाग, चतुर्वेदीलाई कार्य विभाग, श्रेष्ठलाई प्रशासन विभाग र बिकलाई प्रदेश समन्वय विभागमा जिम्मेवारी दिइएको छ।
बढुवाअघि राठौर प्रशासन विभागमा निमित्त प्रमुख रहेका थिए र बढुवापछि पनि त्यही पदमा रहन प्रयासरत थिए। तर, उनलाई अपराध अनुसन्धान विभागमा स्थानान्तरण गरिएको छ।
नेपाल प्रहरीको पुननिर्माण र आगामी निर्वाचनको तयारीका लागि प्रशासन विभागमा बजेट उपलब्ध हुने भएकाले चारै एआईजी यस विभागमा पदस्थापनको प्रयासमा थिए। तर, प्रशासन विभागको जिम्मेवारी अन्ततः हिमालय श्रेष्ठले पाएका छन्।
प्रतिक्रिया
सम्बन्धित खवर
