भक्तपुर — राजधानीको जेनजी प्रदर्शनको क्रममा भक्तपुरस्थित ठिमी प्रहरी वृत्तले भवनबाट ठूलो क्षति बोक्दा पनि आफ्नो ११ वटा सवारी, कोतमा राखिएका हतियार–गोली र कार्यालयभित्रका कम्प्युटर तथा मिसिलहरू सुरक्षित गर्न सफल भएको छ।
डीएसपी नवराज ढुंगानाका अनुसार जिल्ला प्रशासनबाट ‘मानवीय क्षति नहोस्’ भन्ने आदेश पाएपछि वृत्तका कर्मचारीहरू बिहानदेखि राति करिब ९ बजे सम्म प्रदर्शनकारीसँग प्रत्यक्ष सामना गर्दै वस्तु र जनशक्तिको सुरक्षा गर्न लागिरहे। त्यसपछि स्थानीयवासी र ज्यान जोखिम बढ्ने भएकाले जिल्ला परिसरतर्फ सर्न अनुमति दिइयो।
ढुंगानाले भनेका छन्—वृत्तले कार्यालय छाडेपछि भवनमा आगजनी सुरु भयो। घटनामा प्रहरीमा एकजना घाइते भएका छन् भने केही सामान्य चोटपटक मात्र देखिएको छ। अहिले अनुसन्धान र पुनर्स्थापनाका काम जारी छन्।
प्रतिक्रिया
सम्बन्धित खवर
