वीरगञ्ज — नेकपाका केही कार्यकर्ताहरूले उच्च अदालत, वीरगञ्जका न्यायाधीश डा. खुसीराम थारुमाथि इजलासमै मोसो प्रहार गरेका छन्।
प्रहरीका अनुसार, अदालत परिसरमै प्रवेश गरी इजलाससम्म पुगेका कार्यकर्ताहरूले ज्यान मुद्दामा नेपाली कांग्रेसका पूर्वसांसद अफताब आलमलाई सफाइ दिएको फैसलाप्रति असन्तुष्टि जनाउँदै न्यायाधीश थारुमाथि मोसो प्रहार गरेका हुन्।
घटनापछि प्रहरीले तत्कालै प्रतिक्रिया जनाउँदै घटनामा संलग्न दुई जना व्यक्तिलाई पक्राउ गरेको पुष्टि गरेको छ।
थारुसहितको इजलासले केही दिनअघि ज्यानसम्बन्धी मुद्दामा कारागारमा रहेका आलमलाई सफाइ दिएको थियो, जसले राजनीतिक र सार्वजनिक वृत्तमा विवाद निम्त्याएको थियो।
प्रहरीले घटनाको अनुसन्धान अघि बढाएको जनाएको छ भने अदालत परिसरको सुरक्षामा समेत कडाइ गरिएको छ।
प्रतिक्रिया
सम्बन्धित खवर
