काठमाण्डौं—  जिल्ला प्रहरी कार्यालय इलामले मिति  वैशाख ८ गते मध्यराति चुरेघाटीस्थित दुर्गा श्रेष्ठको ‘सुरज एण्ड सुमन स्टोर’ बाट चोरी गरी फरार भएका मुख्य अभियुक्तसहित ६ जनालाई पक्राउ गरेको छ।

प्रहरीका अनुसार, पक्राउ पर्नेहरूमध्ये  इलाम–६ बस्ने २८ वर्षीय मगेश किमदाहाङ राई रहेका छन्। फरार अभियुक्तहरूले करिब रु. १८,५०० नगदसहित NTC को रु. ५० मूल्यका ४८ थान, रु. १०० मूल्यका १७ थान र Ncell को रु. १०० मूल्यका ७ थान रिचार्ज कार्डसमेत चोरी गरेका थिए। उनीहरू चोरीपश्चात् फरार भएका थिए।

जिल्ला प्रहरी कार्यालयबाट खटिएको विशेष खोजतलास टोलीले अनुसन्धान र गोप्य सूचनाको आधारमा वैशाख १२ गते राति इलाम–६ पानिट्याङ क्षेत्रबाट सबै अभियुक्तलाई लुकिछिपी बसेको अवस्थामा पक्राउ गरेको एसपी एकनारायण कोइरालाले जानकारी दिए। पक्राउ परेका अभियुक्तलाई सोही दिन जिल्ला अदालत इलाममा उपस्थित गराइ अनुसन्धानकालिन म्याद थप गरी सात दिनसम्म हिरासतमा राखिएको छ।

एसपी कोइरालाले भने, “अभियुक्तहरूका घर र अन्य सरश्मार्फत् थप प्रमाण जुटाउने काम भइरहेको छ। चोरी गरिएका रिचार्ज कार्डहरूको प्रयोग ट्रयाक गरी अन्य संभावित घटनासँग जोड कसी अनुसन्धान अगाडि बढाइने छ।”

प्रहरीको यो कार्यवाहीपछि स्थानीय व्यापारी र सर्वसाधारणले केही राहत महशुस गरेका छन्। जिल्ला प्रहरी कार्यालय इलामले यस्ता अपराध नियन्त्रणमा थप सक्रियता बढाउने र समयमै कारबाही गर्ने प्रतिबद्धता व्यक्त गरेको छ।