काठमाण्डौं– सुनसरीको कोशी गाउँपालिका-१ र भोक्राहा नरसिंह गाउँपालिका-३ बाट लागूऔषध ब्राउनसुगरसहित ४ जनालाई प्रहरीले पक्राउ गरेको छ।
माघ २२ गते लागूऔषध नियन्त्रण ब्युरो विराटनगर र इलाका प्रहरी कार्यालय लौकही बाट खटिएको प्रहरी टोलीले चेकजाँचका क्रममा उनीहरूलाई पक्राउ गरेको हो।
पक्राउ पर्नेहरूमा सुनसरी रामधुनी नगरपालिका-३ का २३ वर्षीय मो. जाविर (१ ग्राम १० मिलिग्राम ब्राउन सुगरसहित), सप्तरी कन्चनरुप नगरपालिका-७ का २२ वर्षीय विजय खडका (२ ग्राम ६८ मिलिग्राम ब्राउन सुगर र नाईट्राभेट १५ ट्याब्लेटसहित), सप्तरी हनुमाननगर कंकालिनी नगरपालिका-१० का २४ वर्षीय रोहित मण्डल (२ ग्राम ४१० मिलिग्राम ब्राउन सुगरसहित) र उदयपुर रौतामाई-७ का २८ वर्षीय पदम बहादुर मगर (२० ग्राम ४०० मिलिग्राम ब्राउन सुगरसहित) छन्।
पक्राउ परेकाहरूलाई जिल्ला प्रहरी कार्यालय सुनसरीले थप अनुसन्धान तथा कानुनी कारबाही अघि बढाइरहेको छ।
प्रतिक्रिया
सम्बन्धित खवर
