जलेश्वर नगरपालिका ५ निवासी गफुर राईन भन्ने व्यक्तिलाई केहि दिनअघि धम्कीपुर्ण भाषा प्रयोग गरि पत्र लेखेर ९२हजार रुपैयाँ माग गरेका दुईजना युवालाई प्रहरीले पक्राउ गरेको छ ।
रामगोपालपुर नगरपालिका ५ कन्चनपुर घर भई हाल जलेश्वर नगरपालिका १ मा डेरागरि बस्ने वर्ष २४ का सुनिलकुमार राउत र सोहि ठाउ निवासी वर्ष १९ का करण मण्डललाई प्रहरीले जलेश्वरनाथ महादेव मन्दिर अगाडिबाटशनिबार बिहान पक्राउ गरेको हो ।
चिठीमार्फत फिरौती रकम माग गर्दै सोहि रकम महादेव मन्दिरको छेउमा रहेको फोहोर फ्याक्ने भाँडोमा राख्न भनेकोमापीडितले प्रहरीलाई पुर्व जानकारी गराई प्लाष्टिकमा कागज पोको पारि सोहि फोहोर फाल्ने भाडोमा राखेका थिए ।
आरोपीहरु सोहि पोको निकाल्न खोज्दा लुकेर बसेको सुरक्षाकर्मीले उनीहरुलाई तत्काल नियन्त्रणमा लिएर जिल्लाप्रहरी कार्यालय ल्याएको थियो । यस सन्दर्भमा जिल्ला प्रहरी कार्यालय महोत्तरीका प्रवक्ता प्रहरी निरिक्षक धर्मराजमुड्भरीले अनुसन्धान भइरहेको बताए ।
