काठमाडौँ । बौद्धस्थित पाँचतारे होटल हायात रिजेन्सी परिसरभित्र रहेको प्राइड क्यासिनोबाट रकम लुटेको आरोपमा प्रहरीले दुईजनालाई पक्राउ गरेको छ। भदौ २४ गते जेनजी प्रदर्शनका क्रममा प्राइड इन्टरटेनमेन्ट प्रालिमा लुटपाट भएको थियो।
लुटपाटमा संलग्न रहेको आरोपमा जिल्ला प्रहरी परिसर काठमाडौँले दावा सेट्टि र रञ्जित खड्गी ‘रणे’लाई काठमाडौँबाट पक्राउ गरेको एसएसपी रमेश थापाले जानकारी दिए।
प्रहरीका अनुसार सेट्टी र रणेले खुकुरी बोकेर क्यासिनोमा प्रवेश गरी लुटपाट गरेको दृश्य भिडियोमा समेत देखिएको छ। प्रारम्भिक अनुसन्धानमा उनीहरूले क्यासिनोबाट १४ करोड रुपैयाँ नगद लुटेको निष्कर्ष निकालिएको प्रहरीले जनाएको छ।
होटल हायात रिजेन्सीले जेनजी प्रदर्शनका क्रममा भएको लुटपाट तथा आगजनीबारे आवश्यक अनुसन्धानका लागि प्रहरीमा उजुरी दिएको थियो।
