धनगढी। कैलालीको धनगढी उपमहानगरपालिका–११ बाट खैरो हेरोइन (ब्राउन सुगर) सहित दुई जनालाई प्रहरीले पक्राउ गरेको छ। शाखा कार्यालय धनगढीतर्फ खटिएको टोलीले सोमबार साँझ ७ः३० बजे उनीहरूलाई नियन्त्रणमा लिएको हो।
पक्राउ पर्नेहरूमा धनगढी–११ का २९ वर्षीय अर्जुन चौधरी र ३२ वर्षीय आशाराम चौधरी छन्। लागू पदार्थको कारोबार भइरहेको भन्ने विशेष सूचनाका आधारमा प्रहरीले आशाराम चौधरीको घरमा छापा मार्दा दुबैजना लागू औषध सेवन गरिरहेको अवस्थामा फेला परेका थिए।
प्रहरीका अनुसार तलासीका क्रममा आशाराम चौधरीको आउटरको गोजीबाट बेचबिखनका लागि तयार पारिएका ६ थान साना पुडिया र अर्जुन चौधरीको सर्टको खल्तीबाट २ थान पोका फेला परे। बरामद सामग्रीलाई मान्यता प्राप्त तराजुमा तौल गर्दा ८ ग्राम ५८० मिलिग्राम खैरो हेरोइन रहेको पुष्टि भएको प्रहरीले जनाएको छ।
प्रतिक्रिया
सम्बन्धित खवर
