धनगढी । कैलालीको अत्तरियाबाट साढे ७ ग्रामभन्दा बढी लागूऔषध खैरो हेरोइनसहित प्रहरीले दुई जनालाई पक्राउ गरेको छ।
विशेष सूचनाका आधारमा इलाका प्रहरी कार्यालय मालाखेतीबाट खटिएको टोलीले बिहीबार गोदावरी नगरपालिका–२, अत्तरिया बजार क्षेत्रमा शंकास्पद रूपमा हिँडिरहेका दुई जनाको चेकजाँच गर्दा उनीहरूको साथबाट हेरोइन फेला पारेको प्रहरीले जनाएको छ।
पक्राउ पर्नेमा
- बझाङको जयपृथ्वी नगरपालिका–१० का २२ वर्षीय बिशाल सिंह,
- सोही ठाउँका २० वर्षीय घर्मेन्द्र सुनार रहेका छन्।
चेकजाँचका क्रममा उनीहरूको साथबाट ७ ग्राम ६८० मिलिग्राम खैरो हेरोइनजस्तो देखिने पदार्थ बरामद भएको इलाका प्रहरीले जानकारी दिएको छ।
बरामद गरिएको पदार्थसहित दुवैजनालाई नियन्त्रणमा लिएर थप अनुसन्धान भइरहेको इलाका प्रहरी कार्यालय मालाखेतीले जनाएको छ।
प्रहरीले पछिल्ला दिनमा अवैध लागूऔषध कारोबार तथा सेवनविरुद्ध कडाइका साथ निगरानी बढाएको बताएको छ।
प्रतिक्रिया
सम्बन्धित खवर
