काठमाडौं । जेनजी आन्दोलनको क्रममा भएको तोडफोड, आगजनी र आपराधिक उपद्रवसँग सम्बन्धित १ सय ४ वटा जाहेरी प्रहरीले दर्ता गरेको छ।
यीमध्ये सर्वोच्च अदालत र अख्तियार दुरुपयोग अनुसन्धान आयोगमा समेत उजुरी परेको प्रहरीले जानकारी दिएको छ।
आइतबार काठमाडौं जिल्ला प्रहरी परिसरले पत्रकार सम्मेलनमार्फत विवरण सार्वजनिक गरेको हो।
प्रहरीका अनुसार दर्ता भएका उजुरीमध्ये
- २२ वटा व्यक्तिगत,
- ६६ वटा सरकारी कार्यालय/प्रहरी प्रतिवेदन, र
- १६ वटा संस्थागत उजुरी रहेका छन्।
प्रहरीले उजुरीको आधारमा आवश्यक अनुसन्धान अगाडि बढाइने जनाएको छ।
